រាង​គំរូ iPhone 8 ស្អាត​ម្ល៉ឹង ល្មម​អាច​ប្តូរ​ចិត្ត​អ្នក​ប្រើ Galaxy S8

មក​ទល់​ពេល​នេះ មាន​ពាក្យ​ចចាមអារ៉ាម​មិន​តិច​ឡើយ ដែល​បាន​ផោ្តត​សំខាន់​លើ​មុខងារ​ថ្មីៗ​ពិសេស​លើ iPhone 8។ ដើម្បី​គម្រប់​ខួប ១០ ឆ្នាំ Apple នឹង​ធ្វើ​ឲ្យ iPhone 8 មាន​លក្ខណៈ​ពិសេស​លើស iPhone ជំនាន់​មុនៗ ដែល​សូម្បី​តែ CEO ក្រុម​ហ៊ុន​យក្ស​នេះ ក៏​រំពឹង​ថា​នឹង​ទាក់ទាញ​ចំណាប់​អារម្មណ៍​អ្នក​ប្រើ Android មួយ​ភាគ​ធំ​ឲ្យ​មក​ប្រើ iOS វិញ។
សម្រាប់​រូបរាង​គំរូ iPhone 8 ខាង​ក្រោម រចនា​ដោយ​លោក Quinton Theron ដែល​ល្បី​ខាង​ឌីហ្សាញ​រាង​គំរូ iPhone កន្លង​មក បង្ហាញ​ថា ផ្ទៃ​អេក្រង់​របស់ iPhone 8 ស្ទើរ​តែ​មើល​មិន​ឃើញ​តួ​ផ្នែក​គែម​ឡើយ ដែល​អាច​ស្រដៀង​នឹង Galaxy S8។
កាន់​តែ​ពិសេស ស្មាតហ្វូន​ស៊េរី​ថ្មី​ក្នុង​ខួប ១០ ឆ្នាំ​របស់ Apple នេះ ក៏​ល្បី​ថា​នឹង​គ្មាន​បំពាក់​ប៊ូតុង Home ចុច​បាន​ពី​មុន​ឡើយ តែ​ជំនួស​មក​វិញ​នូវ ប៊ូតុង​សិប្បនិមិ្មត​បង្កប់​ក្រោម​ផ្ទាំង​អេក្រង់​ផ្នែក​ខាង​ក្រោម​វិញ។ ការ​ឌីហ្សាញ​ថ្មី​នេះ Apple អះអាង​ថា​នឹង​ជះ​ឥទ្ធិពល​ហើយ​ជំរុញ ស្មាតហ្វូន​ម៉ាក​ដទៃ​យក​គំរូ​តាម។